Ynglŷn â’r cwrs hwn:
Mae ein Prentisiaeth Cymorth Gofal Iechyd Clinigol Lefel 3 yn rhoi’r wybodaeth a’r sgiliau i ddysgwyr weithio mewn amrywiaeth o leoliadau gofal iechyd, gan ddarparu cymorth hanfodol i weithwyr gofal iechyd proffesiynol wrth wneud diagnosis, trin a gofalu am gleifion.
Mae’r Brentisiaeth hon ar gyfer Gweithwyr Gofal Iechyd Clinigol neu Gymorth Gofal Iechyd sy’n cynorthwyo i wneud diagnosis, trin a gofalu am unigolion.
Gall hyn gynnwys amrywiaeth o leoliadau fel:
- Adrannau ysbytai
- Clinigau cymunedol
- Cartrefi gofal
- Meddygfeydd
Bydd gofyn i ddysgwyr ymgymryd â chymysgedd o unedau gorfodol ac unedau dewisol (byddwn yn gweithio gyda chi i benderfynu pa unedau dewisol sy’n berthnasol i’ch rôl, a’ch busnes).
- Lleihau haint mewn lleoliadau gofal iechyd yn y GIG yng Nghymru
- Sgiliau cyfathrebu i’w defnyddio mewn lleoliadau gofal iechyd
- Gweithio gyda thimau amlddisgyblaethol, cynradd, eilaidd a chymunedol
- Egwyddorion diogelu
- Sgiliau sylfaenol ar gyfer ymarfer seiliedig ar waith yn y GIG yng Nghymru
Pan fyddwch yn cytuno i ymgymryd â Phrentisiaeth, efallai y bydd gofyn i chi gwblhau cymwysterau Sgiliau Hanfodol, yn dibynnu ar eich cymwysterau blaenorol, lefel y Brentisiaeth rydych yn ei chwblhau a’ch anghenion penodol chi eich hun.
Bydd y cymhwyster hwn yn cael ei gyflwyno’n bennaf drwy sesiynau 1-i-1 gydag aelod o’n tîm cyflwyno, gan ddefnyddio cymysgedd o sesiynau dysgu wyneb yn wyneb ac o bell.
Ar ôl cofrestru, dyrennir aseswr i ddysgwyr hefyd. Bydd yr asesydd yn ymweld â’r dysgwr naill ai yn ei weithle neu o bell (er enghraifft, trwy Microsoft Teams) bob mis, i gefnogi cynnydd, arsylwi a gosod tasgau trwy gydol y cymhwyster.
Caiff dysgwyr eu cefnogi a’u hannog i gyrraedd eu potensial llawn yn eu diwydiant dewisol drwy gydol eu cymhwyster.
Mae cyfleoedd cyflogaeth yn cynnwys:
- Gweithwyr Cymorth Gofal Iechyd Clinigol
Er mwyn dechrau prentisiaeth yng Nghymru, mae angen i chi fod:
- yn 16 oed neu’n hŷn (nid oes terfyn oedran uchaf)
- yn byw yng Nghymru
- ddim mewn addysg llawn amser
- ddim yn derbyn unrhyw gyllid arall gan Lywodraeth Cymru
- Gallwch chwilio a gwneud cais am swyddi gwag Prentisiaethau yma
Os ydych chi’n bwriadu ymgymryd â chymhwyster Prentisiaeth fel ffordd o uwchsgilio yn eich rôl bresennol, bydd angen i chi hefyd:
- fod yn gweithio am o leiaf 16 awr
- gael cefnogaeth eich cyflogwr i ymgymryd â’r cymhwyster
- ymrwymo i ymgymryd â 4-6 awr o astudio bob mis ar gyfartaledd
- gweithio mewn rôl sy’n berthnasol i’r cymhwyster
- cael eich cyflogi am o leiaf 51% o’ch oriau contract yng Nghymru
