IEMA: Tystysgrif mewn Rheolaeth Amgylcheddol

IEMA yw’r corff proffesiynol ar gyfer pawb sy’n gweithio ym maes yr amgylchedd a chynaliadwyedd. Mae IEMA yn gyfrifol am sicrhau bod gan bobl sy’n gweithio ar y rheng flaen yn y meysydd hyn y wybodaeth, cymwyseddau, sgiliau a hyder perthnasol i wneud swydd broffesiynol. Mae IEMA hefyd yn helpu busnesau, llywodraethau a rheoleiddwyr i wneud y peth iawn o ran mentrau, heriau a chyfleoedd sy’n gysylltiedig â’r amgylchedd a chynaliadwyedd.

Mae’r cwrs hwn ar gyfer gweithwyr proffesiynol sy’n gweithio mewn sefydliadau ar lefel weithredol ac yn dilyn llwybr gyrfa yn yr amgylchedd a chynaliadwyedd. Byddwch yn gweithio o fewn rheolaeth amgylcheddol neu gynaliadwyedd ac angen gwybodaeth fanwl am egwyddorion amgylcheddol a chynaliadwyedd, offer rheoli a sgiliau eraill i gyflawni newid cadarnhaol yn effeithiol.

Yn alinio â’r cymwyseddau gofynnol ar gyfer Aelodaeth Ymarferydd IEMA, mae’r cwrs hwn yn berffaith i unrhyw un sy’n dymuno uwchraddio eu haelodaeth IEMA i Lefel Ymarferydd ac Ymarferydd Amgylcheddol Cofrestredig (REnvP).

Y Dystysgrif mewn Rheolaeth Amgylcheddol yw’r llwybr hyfforddi at aelodaeth Ymarferydd IEMA. Ar ôl cwblhau’r cwrs yn llwyddiannus, fe’ch gwahoddir i gadarnhau eich cais i dderbyn Aelodaeth Ymarferydd. Yn ystod y cwrs, byddwch yn Ymgeisydd Aelod Ymarferydd  a phan fyddwch yn cwblhau’r cwrs yn llwyddiannus fe’ch gwahoddir i gyflwyno cais i fod yn  Aelod Ymarferydd  (mae cost ychwanegol ar gyfer REnvP).

Bydd angen lefel sylfaenol o wybodaeth amgylcheddol a/neu gynaliadwyedd a enillwyd drwy brofiad gwaith neu gwrs perthnasol, fel y Dystysgrif Sylfaen mewn Rheolaeth Amgylcheddol.

Dros y tri modiwl, bydd dysgwyr ar y cwrs hwn yn gallu:

• Esbonio goblygiadau tueddiadau byd-eang i’r amgylchedd, i gymdeithas, i’r economi ac i sefydliadau a rôl ymarferydd Amgylchedd/Cynaliadwyedd wrth oresgyn yr heriau hyn
• Esbonio modelau busnes/llywodraethu cynaliadwy, eu hegwyddorion sylfaenol a’u perthynas â sefydliadau, cynhyrchion a gwasanaethau
• Esbonio egwyddorion amgylcheddol a’u perthynas â sefydliadau, cynhyrchion a gwasanaethau
• Esbonio polisi a deddfwriaeth bwysig a’u goblygiadau i sefydliadau, cynhyrchion a gwasanaethau
• Esbonio offer, technegau, systemau ac arferion pwysig a pherthnasol, eu pwrpas a sut y gellir eu defnyddio i ddatblygu cynhyrchion a gwasanaethau cynaliadwy a gwella perfformiad cynaliadwyedd
• Egluro rôl arloesi ac arferion blaenllaw eraill wrth ddatblygu cynhyrchion a gwasanaethau cynaliadwy a darparu datrysiadau cynaliadwy
• Casglu a dadansoddi data yn feirniadol, ac adrodd gwybodaeth sy’n llywio gwneud penderfyniadau
• Nodi problemau ac asesu cyfleoedd sy’n darparu cynhyrchion a gwasanaethau arloesol a chynaliadwy
• Penderfynu, gweithredu a mesur dulliau cyfathrebu effeithiol
• Adnabod a chymryd rhan mewn cyfathrebu dwyffordd â rhanddeiliaid
• Cymhwyso neu ddefnyddio offer, technegau, systemau ac arferion sy’n adnabod cyfleoedd a risgiau.
• Darparu prosiectau a rhaglenni sy’n cyflawni gwella perfformiad
• Gweithredu newid a thrawsnewid

Mae hwn yn gwrs 15 diwrnod (120 awr), sy’n cael ei gyflwyno ar-lein. Cyflwynir ein cyrsiau gan hyfforddwyr cymwys sydd wedi’u hasesu gan IEMA er mwyn sicrhau ansawdd.

Mae tri aseiniad seiliedig ar wybodaeth ac un asesiad cymhwysedd a ddylai roi enghreifftiau o sut mae’r wybodaeth a ddysgwyd yn ystod y cwrs wedi cael ei gymhwyso’n ymarferol yn y gweithle. Ar ôl cwblhau eich asesiad yn llwyddiannus, byddwch yn derbyn tystysgrif ddigidol i gydnabod eich cyflawniad a byddwch yn derbyn manylion am sut i ymuno ag IEMA fel Aelod Ymarferydd, gan ennill ôl-ddodiad proffesiynol PIEMA a’r holl fuddion eraill sy’n dod o fod yn aelod o gorff proffesiynol.