IEMA: Tystysgrif Sylfaenol mewn Rheolaeth Amgylcheddol

IEMA yw’r corff proffesiynol ar gyfer pawb sy’n gweithio ym maes yr amgylchedd a chynaliadwyedd. Mae IEMA yn gyfrifol am sicrhau bod gan bobl sy’n gweithio ar y rheng flaen yn y meysydd hyn y wybodaeth, cymwyseddau, sgiliau a hyder perthnasol i weithredu’n broffesiynol. Mae IEMA hefyd yn helpu busnesau, llywodraethau a rheoleiddwyr i wneud y peth iawn mewn mentrau, heriau a chyfleoedd sy’n gysylltiedig â’r amgylchedd a chynaliadwyedd.

Mae’r cwrs hwn ar gyfer pobl sy’n dechrau, neu sy’n newid i yrfa mewn rolau sy’n ymwneud a’r amgylchedd neu gynaliadwyedd. Nid oes angen unrhyw wybodaeth flaenorol arnoch cyn dilyn y cwrs hwn gan y bydd yn cynnwys popeth sydd angen i chi ei wybod i ddechrau ar eich taith.

Mae’r cwrs hwn hefyd yn wych i bobl sy’n gweithio mewn proffesiynau eraill, megis marchnata neu gyllid, gael dealltwriaeth sylfaenol o gynaliadwyedd y gallech ei gymhwyso yn eich rôl.

Yn cyd-fynd â’r cymwyseddau gofynnol ar gyfer Aelodaeth Gysylltiol IEMA (dysgwch fwy am y rhain yn ein Map Sgiliau Cynaliadwyedd , mae’r cwrs hwn yn golygu y gallwch wneud cais am aelodaeth blwyddyn fel Aelod Cysylltiol IEMA ar ôl ei gwblhau a llwyddo yn yr arholiad lluosddewis.

Nid oes unrhyw ofynion mynediad ar gyfer y cwrs hwn.

Wedi ei gwblhau, bydd dysgwr ar y cwrs hwn yn gallu:

• Amlinellu goblygiadau tueddiadau byd-eang ar gyfer yr amgylchedd, i gymdeithas, i’r economi ac i sefydliadau
• Amlinellu egwyddorion busnes/llywodraethu cynaliadwy a’u perthynas â sefydliadau, cynhyrchion a gwasanaethau
• Amlinellu egwyddorion amgylcheddol a’u perthynas â sefydliadau, cynhyrchion a gwasanaethau
• Amlinellu prif bolisïau a deddfwriaeth a’u goblygiadau i sefydliadau, cynhyrchion a gwasanaethau
• Amlinellu offer, technegau, systemau ac arferion pwysig a ddefnyddir i wella perfformiad cynaliadwyedd
• Amlinellu rôl arloesi ac arferion blaenllaw eraill wrth ddatblygu cynhyrchion a gwasanaethau cynaliadwy a darparu datrysiadau cynaliadwy
• Casglu data, cynnal dadansoddiadau, a gwerthuso gwybodaeth
• Ymchwilio a chynllunio er mwyn darparu datrysiadau cynaliadwy
• Cyfathrebu darganfyddiadau’n effeithiol a chasglu adborth
• Ymgysylltu â rhanddeiliaid
• Amlinellu offer a thechnegau sy’n adnabod cyfleoedd a risgiau
• Adnabod a chynnig ffyrdd o wella perfformiad
• Cefnogi newid a thrawsnewid i wella cynaliadwyedd

Mae hwn yn gwrs 5 diwrnod (40 awr), sy’n cael ei gyflwyno ar-lein.

Cyflwynir ein cyrsiau gan hyfforddwyr cymwys y mae IEMA wedi’u hasesu er mwyn sicrhau ansawdd.

Ar ddiwedd y pum diwrnod, byddwch yn sefyll arholiad un awr, llyfr agored, lluosddewis ar-lein.

Ar ôl llwyddo yn eich arholiad, byddwch yn derbyn tystysgrif ddigidol i gydnabod eich cyflawniad a byddwch yn derbyn manylion ynglŷn â sut i ymuno ag IEMA fel Aelod Cysylltiol, gan ennill ôl-ddodiad proffesiynol AIEMA a’r holl fuddion eraill sy’n dod o fod yn aelod o gorff proffesiynol.