Beth yw Prentisiaethau?
Yn gryno, mae Prentisiaethau yn rhaglenni hyfforddiant seiliedig ar waith sydd wedi’u cynllunio o amgylch anghenion eich busnes, ac sy’n arwain at gymwysterau a gydnabyddir yn genedlaethol i’ch gweithwyr.
Mae gan Gymru Raglen Brentisiaethau hynod lwyddiannus, sy’n canolbwyntio ar ddarparu hyfforddiant gwych a’r llwybrau sgiliau a’r lefelau cymorth cywir i helpu i sicrhau gwydnwch economaidd.
Y manteision i’ch busnes
Rydym i gyd yn gwybod bod Prentisiaethau’n gwneud synnwyr, ond a oeddech chi’n gwybod bod y manteision y gallant eu cynnig i’ch busnes yn enfawr?
Gwella eich elw
Mae Prentisiaethau’n sicrhau enillion gwirioneddol i’ch elw, gan eich helpu i wella cynhyrchiant a bod yn fwy cystadleuol. Gall hyfforddi Prentisiaid hefyd fod yn fwy cost-effeithiol na chyflogi staff medrus, gan arwain at gostau hyfforddi a recriwtio cyffredinol is.
Llenwi eich bylchau sgiliau
Mae Prentisiaethau’n darparu sgiliau sydd wedi’u cynllunio o amgylch anghenion eich busnes, gan ddarparu’r gweithwyr medrus sydd eu hangen arnoch nawr ac ar gyfer y dyfodol. Maent hefyd yn eich helpu i ddatblygu’r sgiliau arbenigol sydd eu hangen arnoch i gadw i fyny â’r dechnoleg ddiweddaraf ac arferion gwaith yn eich sector.
Ysbrydoli a datblygu eich gweithlu
Mae Prentisiaid yn tueddu i fod yn awyddus, yn llawn cymhelliant, yn hyblyg ac yn deyrngar i’r cwmni sydd wedi buddsoddi ynddynt. Cofiwch, mae Prentis gyda chi oherwydd ei fod eisiau bod yno – mae wedi gwneud dewis gweithredol i ddysgu yn y gwaith ac ymrwymo i yrfa benodol.
Mae’r cyfuniad o ddysgu yn y gwaith ac oddi ar y gwaith yn sicrhau bod Prentis yn dysgu’r sgiliau sy’n gweithio orau i’ch busnes. Mae’r manteision y gall Prentisiaid eu cynnig i’ch busnes yn cynnwys cynhyrchiant uwch a gwell sgiliau, gwybodaeth a chymwysterau.
Y peth gorau, fodd bynnag, yw bod cyllid ar gael. Er mai chi, y cyflogwr, sy’n talu cyflog i’ch Prentis, mae cyllid ar gael i dalu cost lawn hyfforddiant y Prentis.
- Mae Prentisiaethau ar gyfer pawb! O bobl sy’n gadael yr ysgol a graddedigion prifysgol i unigolion sydd eisiau datblygu eu gyrfaoedd ymhellach neu newid cyfeiriad gyrfa yn llwyr
- Gallwch gyflogi rhywun newydd fel Prentis, neu gael mynediad at gyllid a chymwysterau Prentisiaeth i uwchsgilio gweithwyr presennol
- Mae Prentisiaid yn weithwyr o fewn cwmni ac yn cael eu talu o leiaf yr Isafswm Cyflog Prentisiaeth Cenedlaethol
- Mae Prentisiaethau ar gael ar bedair lefel wahanol:
Prentisiaeth Sylfaen (Lefel 2)
Prentisiaeth (Lefel 3)
Prentisiaeth Uwch (Lefel 4 a Lefel 5)
Prentisiaeth Gradd (Lefel 6)
- Ar gyfartaledd, mae Prentisiaeth yn cymryd 12 i 18 mis i’w chwblhau
- Fel cyflogwr, gallwch gael mynediad at gyllid Llywodraeth Cymru i helpu i dalu am hyfforddiant Prentisiaeth.
- Mae Prentisiaethau’n rhan bwysig o Warant i Bobl Ifanc Llywodraeth Cymru ar gyfer pobl ifanc 16–24 oed.
Sut gallwn ni helpu?
- Eich helpu i ddewis y llwybr a’r lefel Brentisiaeth gywir ar gyfer eich busnes
- Eich helpu i recriwtio Prentis neu gefnogi eich staff presennol i Brentisiaethau
- Cytuno ar gynllun hyfforddi gyda’ch Prentis
- Rheoli’r hyfforddiant a’r gwerthuso, gan sicrhau bod safonau ansawdd cenedlaethol yn cael eu bodloni
- Dylunio a darparu hyfforddiant pwrpasol ac integredig
y cant
o gyflogwyr...
y cant
Oes gennych ddiddordeb mewn darganfod mwy? Cysylltwch â ni!
Os ydych chi’n barod i chwilio am eich Prentis nesaf, os oes gennych aelod o staff sy’n dymuno uwchsgilio, neu os hoffech gael gwybod mwy am ein rhaglen Brentisiaeth, cysylltwch â’n tîm heddiw.