Mae ACT yn credu’n gryf mewn tegwch, cydraddoldeb a pharch at bob bywyd dynol. Rydym bob amser wedi cymryd mater cynhwysiant ac amrywiaeth o ddifrif ac mae cydraddoldeb wrth wraidd popeth a wnawn.
Yr hyn sydd gennym ar waith
- Mae ein polisïau recriwtio cychwynnol, sefydlu staff a hyfforddiant cydraddoldeb ac amrywiaeth staff parhaus yn hyrwyddo cydraddoldeb a chynhwysiant i bawb, ar draws ACT a’n partneriaid.
- Rydym yn mynd i’r afael â hiliaeth a gwahaniaethu o fewn ein cwricwlwm Hyfforddeiaeth ACT. Mae hyn yn codi ymwybyddiaeth ac yn rhoi llais i’n dysgwyr rannu eu profiadau. Mae hyn i gyd yn arwain at rai sgyrsiau a dysgu pwysig ac effeithiol iawn.
- Rydym wedi addo teyrngarwch i’r Cynllun Arweinyddiaeth ac Amrywiaeth, sy’n helpu sefydliadau i gyflawni diwylliant cynhwysol lle mae pawb yn derbyn triniaeth deg a chyfartal, waeth beth fo’u cefndir.
Fodd bynnag, rhaid inni wneud mwy ac rydym yn cydnabod yn glir na allwn fod yn hunanfodlon. Gallwn bob amser wneud yn well, ac fel darparwr hyfforddiant addysgol, byddwn yn gwneud hynny.
Beth rydyn ni’n ei wneud nawr?
Mae perthynas sefydledig yng Nghymru rhwng tlodi ac ethnigrwydd, fel rydyn ni’n ei weld yn rhy dda wrth addysgu a gweithio gyda rhai o’r dysgwyr mwyaf agored i niwed yn ein cymdeithas. Gyda hynny mewn golwg, rydyn ni’n;
- Adolygu ein cwricwlwm i sicrhau ei fod yn cynnwys y materion a godwyd drwy ddigwyddiadau diweddar, a’i fod yn delio’n ddigonol â gwahaniaethu ym mhob ffurf.
- Cysylltu â sefydliadau eraill a cheisio arweiniad ganddynt a defnyddio eu gwybodaeth a’u harbenigedd i’n helpu gyda hyn.
- Cael cyngor ar sut i wella materion amrywiaeth yn y gweithle.
- Defnyddio’r wybodaeth a’r data a gasglwyd o’n harolygon Cwmnïau Gorau, a’n harchwiliadau amrywiaeth mewnol ein hunain, i wella’r gwaith rydym eisoes yn ei wneud i gynyddu amrywiaeth ein gweithlu.
- Ymchwilio i wella mynediad at raglenni mentora sy’n darparu cyfleoedd i Bobl Ddu, Cynhenid a Phobl o Liw (BIPOC)
- Cyflwyno Hyrwyddwyr Amrywiaeth o fewn ein sefydliadau i hyrwyddo amrywiaeth a chynhwysiant.
Mae ACT wedi ymrwymo’n llwyr i’r gwaith hirdymor o herio hiliaeth, ac yn wir pob math o wahaniaethu, fel bod cydraddoldeb yn cael ei gyflawni i bawb. Rydym wedi ac fe fyddwn bob amser, yn hyn gyda’n gilydd!