Ynglŷn â’r cwrs hwn
Mae Prentisiaeth Dylunydd Cynnwys Digidol Lefel 4 wedi’i datblygu ar y cyd â chyflogwyr yng Nghymru. Nod y rhaglen yw rhoi’r sgiliau sylfaenol sydd eu hangen ar gyflogeion i nodi, dylunio, cyhoeddi a rheoli cynnwys digidol deniadol sy’n diwallu anghenion y sefydliad a’r rhanddeiliaid. Mae’r rhaglen brentisiaeth hon wedi’i chynllunio i ddarparu llwybr galwedigaethol cadarn i ennill y sgiliau a’r wybodaeth sydd eu hangen i lwyddo fel dylunydd cynnwys digidol.
I bwy mae’r brentisiaeth?
- Wedi’i chynllunio ar gyfer unigolion sy’n anelu at adeiladu gyrfa ym maes creadigol dylunio cynnwys digidol.
- Yn ddelfrydol ar gyfer y rhai sydd am wella eu sgiliau ar gyfer rôl uwch ym maes dylunio cynnwys digidol o fewn eu sefydliad.
- Yn addas ar gyfer dylunwyr cynnwys digidol profiadol sydd am gadarnhau eu harbenigedd gyda chymhwyster achrededig.
Cyflymu Twf Gyrfa: Bydd ymgymryd â Phrentisiaeth Dylunydd Cynnwys Digidol Lefel 4 yn cyflymu datblygiad gyrfa drwy ddarparu profiad ymarferol amhrisiadwy ochr yn ochr â gwybodaeth ddamcaniaethol. Bydd prentisiaid yn cael eu harfogi â’r offer i ragori fel dylunwyr cynnwys ar draws amrywiaeth o lwyfannau ac i wneud gwahaniaeth mewn unrhyw sefydliad.
Ardystiad a Gydnabyddir gan y Diwydiant: Ar ôl cwblhau’r rhaglen hon yn llwyddiannus, bydd prentisiaid yn ennill ardystiad mawr ei barch a gydnabyddir gan y diwydiant, gan roi mantais gystadleuol iddynt yn y farchnad swyddi. Mae cyflogwyr yn gwerthfawrogi’r sgiliau a’r arbenigedd a enillir drwy’r brentisiaeth hon, gan agor drysau i gyfleoedd cyffrous.
Dysgu Ymarferol ac yn y Byd Go Iawn: Mae ein rhaglen yn pwysleisio dysgu ymarferol sy’n berthnasol i’r byd go iawn. Bydd prentisiaid yn ymarfer sgiliau mewn amgylchedd dosbarth ac yn gallu eu cymhwyso yn y gweithle, gan gydweithio â chydweithwyr profiadol a fydd yn arwain y prentis drwy bob cam o’r broses.
Cwricwlwm wedi’i Deilwra: Mae ein cwricwlwm cynhwysfawr wedi’i gynllunio i ddiwallu anghenion y sector datblygu meddalwedd. Bydd prentisiaid yn ymdrin â phynciau hanfodol fel modelu a dylunio cynnwys, datblygu cynnwys amlgyfrwng, creu cynnwys ar gyfer cyfryngau cymdeithasol, optimeiddio cynnwys digidol, a rheoli prosiectau dylunio cynnwys o’r dechrau i’r diwedd.
Cynghorwyr Profiadol a Gwybodus: Drwy gydol y brentisiaeth, byddwn yn darparu mynediad at rwydwaith o gynghorwyr profiadol a fydd yn cynnig arweiniad, cefnogaeth ac adborth. Bydd prentisiaid yn dysgu gan arbenigwyr yn y diwydiant sydd â chyfoeth o wybodaeth a phrofiad ar draws y sector digidol.
Mae’r rhaglen hon yn cynnwys cymysgedd o unedau gorfodol. Ceir trosolwg byr o’r unedau hyn isod.
- Egwyddorion Llywodraethu a Sicrwydd Gwybodaeth
- Modelu a Dylunio Cynnwys Digidol
- Rheoli Prosiect Datblygu Cynnwys Digidol
- Datblygu Cynnwys Digidol Amlgyfrwng Rhyngweithiol
- Creu Cymwysiadau sy’n Seiliedig ar Ddata
- Datblygu Cynnwys Digidol ar gyfer Sianeli Cyfryngau Cymdeithasol
- Optimeiddio Effeithiolrwydd Cyflwyno Cynnwys Digidol
- Sefydlu Systemau Talu Diogel ar gyfer E-fasnach
A llawer mwy…
- Hyd nodweddiadol o 24 mis.
- Sesiwn sefydlu ar gyfer prentisiaid a’u rheolwyr llinell.
- 15 gweithdy diwrnod llawn ar sgiliau a gwybodaeth dechnegol graidd.
- Gweithdai ychwanegol i gefnogi dewisiadau unedau dewisol.
- Cefnogaeth gan adnoddau hunan-astudio ar-lein.
- Sesiynau hyfforddi a chymorth asesu un-i-un gan diwtor.
- 4 diwrnod asesu sgiliau hanfodol (2 ddiwrnod paratoi a 2 ddiwrnod tasg fyw).
- Profion cadarnhau sgiliau hanfodol dwy awr o hyd.
Nid yw gweithgareddau Sgiliau Hanfodol yn berthnasol i brentisiaid sydd ag eithriadau.
- Diploma Agored Cymru Lefel 4 mewn Dylunydd Cynnwys Digidol
- Sgil Hanfodol Lefel 2 mewn Cymhwyso Rhifau
- Sgil Hanfodol Lefel 2 mewn Cyfathrebu
Lawrlwytho amlinelliad llawn y cwrs
Lawrlwytho PDFDiddordeb mewn cofrestru?
