Ynglŷn â’r cwrs hwn
Mae ein Diploma Lefel 3 mewn Rheoli Gofal Iechyd yn sicrhau bod gan ddysgwyr y sgiliau a’r wybodaeth i reoli gwasanaethau clinigol ac anghlinigol ledled y GIG.
Bydd y cwrs yn eich cefnogi i ymgymryd â’ch cyfrifoldebau o fewn lleoliad clinigol yn broffesiynol ac yn gymwys. Bydd yn eich galluogi i gefnogi rhedeg yr amgylchedd clinigol yn esmwyth.
Dysgwyr sy’n rheoli tîm o fewn amgylchedd clinigol neu anghlinigol o fewn y GIG, ac yn ymgymryd â chyfrifoldeb rheoli gyda rheoli staff a’r amgylchedd gwaith.
Bydd gofyn i ddysgwyr ymgymryd â chymysgedd o unedau gorfodol ac unedau dewisol (byddwn yn gweithio gyda chi i benderfynu pa unedau dewisol sy’n berthnasol i’ch rôl, a’ch busnes).
Unedau Gorfodol
- Darparu hyfforddiant drwy arddangosiadau neu gyfarwyddyd.
- Egwyddorion gweithio mewn gwasanaeth gofal iechyd.
- Goruchwylio staff mewn sefydliadau gofal iechyd.
- Rheoli cofnodion adnoddau dynol mewn sefydliad gofal iechyd.
- Deall darpariaeth iaith Gymraeg mewn cyfleusterau gofal iechyd.
- Rheoli perfformiad unigolion mewn lleoliad gofal iechyd.
Unedau Dewisol
- Rheoli cyfleuster swyddfa.
- Rheoli cyllideb.
- Gweithredu newid.
- Rheoli gwrthdaro o fewn tîm.
- Cynnal safonau ansawdd yn y sector iechyd.
- Rheoli cyfarfod.
- Gwella gwasanaethau yn y sector iechyd.
- Rheoli adnoddau mewn sefydliad gofal iechyd.
Pan fyddwch chi’n cytuno i ymgymryd â Prentisiaeth, efallai y bydd gofyn i chi gwblhau cymwysterau Sgiliau Hanfodol, yn dibynnu ar eich cymwysterau blaenorol, lefel y Brentisiaeth rydych chi’n ei chwblhau a’ch anghenion penodol eich hun.
Bydd y cymhwyster hwn yn cael ei gyflwyno’n bennaf drwy sesiynau 1-i-1 gydag aelod o’n tîm cyflwyno, gan ddefnyddio cymysgedd o sesiynau dysgu wyneb yn wyneb a dysgu o bell.
Ar ôl cofrestru, bydd asesydd hefyd yn cael ei neilltuo i ddysgwyr. Drwy gydol y cymhwyster, bydd yr asesydd yn ymweld â’r dysgwr naill ai yn eu gweithle neu o bell (er enghraifft, drwy Microsoft Teams) bob mis, i gefnogi cynnydd, arsylwi a gosod tasgau.
Mae cyfleoedd cyflogaeth pellach yn cynnwys:
- Arweinwyr tîm
- Rheolwyr
I ddechrau Prentisiaeth yng Nghymru, mae angen i chi fod:
- yn 16 oed neu’n hŷn (nid oes terfyn oedran uchaf)
- yn byw yng Nghymru
- ddim mewn addysg amser llawn
- ddim yn cael mynediad at unrhyw gyllid arall gan Lywodraeth Cymru
Gallwch chwilio a gwneud cais am swyddi Prentisiaeth yma
Os ydych chi’n bwriadu ymgymryd â chymhwyster Prentisiaeth fel ffordd o uwchsgilio yn eich rôl bresennol, bydd angen i chi hefyd fod:
- wedi’ch cyflogi am o leiaf 16 awr
- wedi’ch cefnogi gan eich cyflogwr i ymgymryd â’r cymhwyster
- wedi ymrwymo i ymgymryd â chyfartaledd o 4-6 awr o astudio am fis
- gweithio mewn rôl sy’n berthnasol i’r cymhwyster
- wedi’ch cyflogi am o leiaf 51% o’ch oriau contract yng Nghymru
