Ynglŷn â’r cwrs hwn
Mae Prentisiaeth Datblygwr Meddalwedd Lefel 4 wedi’i llunio ar y cyd â chyflogwyr yng Nghymru i roi’r prif sgiliau datblygu meddalwedd i weithwyr sydd eu hangen arnynt i ymgysylltu â rhanddeiliaid, pennu a dylunio datrysiadau meddalwedd, datblygu a gwella meddalwedd, profi a dogfennu meddalwedd, a chefnogi defnyddwyr. Nod y rhaglen brentisiaeth hon yw darparu llwybr galwedigaethol cadarn i ennill y sgiliau a’r wybodaeth sydd eu hangen i lwyddo fel datblygwr meddalwedd.
I bwy mae’r brentisiaeth?
- Yn ddelfrydol ar gyfer arbenigwyr TG sy’n chwilio am yrfa gyflym ym maes datblygu meddalwedd.
- Yn berffaith ar gyfer gweithwyr proffesiynol TG sydd am ddatblygu eu sgiliau ar gyfer rolau uwch ym maes datblygu meddalwedd.
- Cymhwyster achrededig i ddatblygwyr meddalwedd presennol ddilysu eu profiad.
Cyflymu Twf Gyrfa: Bydd ymgymryd â’r Brentisiaeth Datblygwr Meddalwedd Lefel 4 yn cyflymu datblygiad gyrfa drwy ennill profiad ymarferol amhrisiadwy ochr yn ochr â gwybodaeth ddamcaniaethol. Bydd prentisiaid yn cael yr offer i ragori fel datblygwr ‘front-end’ neu ‘back-end’ ac i wneud gwahaniaeth mewn unrhyw sefydliad.
Ardystiad a Gydnabyddir gan y Diwydiant: Ar ôl cwblhau’r rhaglen hon yn llwyddiannus, bydd prentisiaid yn ennill ardystiad mawr ei barch a gydnabyddir gan y diwydiant, gan roi mantais gystadleuol iddynt yn y farchnad swyddi. Mae cyflogwyr yn gwerthfawrogi’r sgiliau a’r arbenigedd a enillir drwy’r brentisiaeth hon, gan agor drysau i gyfleoedd cyffrous.
Dysgu Ymarferol ac yn y Byd Go Iawn: Mae ein rhaglen yn pwysleisio dysgu ymarferol sy’n berthnasol i’r byd go iawn. Bydd prentisiaid yn ymarfer sgiliau mewn amgylchedd dosbarth ac yn gallu cymhwyso’r hyn a ddysgwyd yn y gweithle, gan gydweithio â chydweithwyr profiadol a fydd yn arwain y prentis drwy bob cam o’r broses.
Cwricwlwm wedi’i Deilwra: Mae ein cwricwlwm cynhwysfawr wedi’i gynllunio i ddiwallu anghenion y sector datblygu meddalwedd. Bydd prentisiaid yn ymdrin â phynciau hanfodol fel diogelwch systemau wrth eu dylunio, dylunio meddalwedd, codio ar gyfer datblygu meddalwedd, profi a dogfennu meddalwedd, datblygu parhaus, a phroffesiynoldeb.
Cynghorwyr Profiadol a Gwybodus: Drwy gydol y brentisiaeth, byddwn yn darparu mynediad at rwydwaith o gynghorwyr profiadol a fydd yn cynnig arweiniad, cefnogaeth ac adborth. Bydd prentisiaid yn dysgu gan arbenigwyr diwydiant sydd â chyfoeth o wybodaeth a phrofiad ar draws y sector digidol.
- Hyd nodweddiadol o 24 mis.
- Sesiwn sefydlu ar gyfer prentisiaid a’u rheolwyr llinell.
- 10 gweithdy diwrnod llawn ar sgiliau a gwybodaeth dechnegol.
- Cefnogaeth gan adnoddau hunan-astudio ar-lein.
- Sesiynau hyfforddi a chymorth asesu un-i-un gan diwtor.
- 4 diwrnod asesu sgiliau hanfodol (2 ddiwrnod paratoi a 2 ddiwrnod tasg fyw).
- Profion cadarnhau sgiliau hanfodol dwy awr o hyd.
Nid yw gweithgareddau Sgiliau Hanfodol yn berthnasol i brentisiaid sydd ag eithriadau.
- Hyd nodweddiadol o 19 i 24 mis.
- Sesiwn sefydlu ar gyfer prentisiaid a’u rheolwyr llinell.
- 8 gweithdy yn cael eu cynnal drwy Microsoft Teams neu wyneb yn wyneb.
- Cefnogaeth gan adnoddau astudio annibynnol ar-lein.
- Sesiynau hyfforddi a chymorth asesu un-i-un gan diwtor drwy Microsoft Teams.
- 6 diwrnod asesu Sgiliau Hanfodol. (3 diwrnod paratoi a 3 diwrnod tasg fyw)
- Profion cadarnhau sgiliau hanfodol sy’n para dwy awr.
Nid yw gweithgareddau Sgiliau Hanfodol yn berthnasol i brentisiaid sydd ag eithriadau.
- Diploma Lefel 4 Agored Cymru mewn Datblygu Meddalwedd
- Sgil Hanfodol Lefel 2 mewn Cymhwyso Rhifau
- Sgil Hanfodol Lefel 2 mewn Cyfathrebu
Efallai na fydd sgiliau hanfodol yn berthnasol os gall prentisiaid ddangos eu bod wedi’u heithrio
Lawrlwytho amlinelliad llawn y cwrs
Lawrlwytho PDFDiddordeb mewn cofrestru?
