Ynglŷn â’r cwrs hwn
Mae ein Prentisiaeth Rheolaeth ILM Lefel 4 yn galluogi i ddysgwyr ddatblygu eu sgiliau arweinyddiaeth craidd, eu gallu i gynllunio a rhoi cynlluniau gweithredu ar waith ac i wella perthnasoedd gwaith.
Mae’r Brentisiaeth hon yn ddelfrydol ar gyfer rheolwyr sy’n symud i swydd rheolaeth ganol, sy’n dal i fod yn gyfrifol am brosesau gweithredol ond sydd a llai o ddyletswyddau rheoli llinell dydd i ddydd.
Bydd gofyn i ddysgwyr ymgymryd â chymysgedd o unedau gorfodol ac unedau dewisol (byddwn yn gweithio gyda chi i benderfynu pa unedau dewisol sydd fwyaf addas i’ch rôl, a’ch busnes).
Mae’r unedau gorfodol yn cynnwys:
- Cyfrannu at Ddatblygiad Cynllun Strategol
- Dylunio Prosesau Busnes
- Rheoli Newid Strategol
- Darparu arweinyddiaeth a rheolaeth
Pan fyddwch yn cytuno i ymgymryd â Phrentisiaeth, efallai y bydd gofyn i chi gwblhau cymwysterau Sgiliau Hanfodol, yn dibynnu ar eich cymwysterau blaenorol, lefel y Brentisiaeth rydych yn ei chwblhau a’ch anghenion penodol chi eich hun.
When you agree to undertake an Apprenticeship, you may be required to complete Essential Skills qualifications, depending on your previous qualifications, the Apprenticeship level you are completing and your own particular needs.
Bydd y cymhwyster hwn yn cael ei gyflwyno’n bennaf drwy sesiynau 1-i-1 gydag aelod o’n tîm cyflwyno, gan ddefnyddio cymysgedd o sesiynau dysgu wyneb yn wyneb ac o bell.
Ar ôl cofrestru, byddwn hefyd yn dyrannu asesydd i’r dysgwyr. Bydd yr asesydd yn ymweld â’r dysgwr naill ai yn eu gweithle neu o bell (er enghraifft, trwy Microsoft Teams) yn fisol, drwy gydol y cymhwyster, er mwyn cefnogi cynnydd, arsylwi a gosod tasgau.
Ar ôl cwblhau’r cwrs, gall dysgwyr llwyddiannus symud ymlaen i’n Prentisiaeth Rheolaeth Lefel 5. Caiff dysgwyr eu cefnogi a’u hannog i gyrraedd eu potensial llawn yn eu diwydiant dewisol drwy gydol eu cymhwyster.
Mae cyfleoedd cyflogaeth yn y dyfodol yn cynnwys:
- Rheolwyr
- Rheolwyr Canol
- Uwch Reolwyr
Er mwyn dechrau prentisiaeth yng Nghymru, mae angen i chi fod:
- yn 16 oed neu’n hŷn (nid oes terfyn oedran uchaf)
- yn byw yng Nghymru
- ddim mewn addysg llawn amser
- ddim yn derbyn unrhyw gyllid arall gan Lywodraeth Cymru
- Gallwch chwilio a gwneud cais am swyddi gwag Prentisiaethau yma
Os ydych chi’n bwriadu ymgymryd â chymhwyster Prentisiaeth fel ffordd o uwchsgilio yn eich rôl bresennol, bydd angen i chi hefyd:
- fod yn gweithio am o leiaf 16 awr
- gael cefnogaeth eich cyflogwr i ymgymryd â’r cymhwyster
- ymrwymo i ymgymryd â 4-6 awr o astudio bob mis ar gyfartaledd
- gweithio mewn rôl sy’n berthnasol i’r cymhwyster
- cael eich cyflogi am o leiaf 51% o’ch oriau contract yng Nghymru
