Ar-Lein
Ynglŷn â’r cwrs hwn
Mae’r cwrs hwn yn ddelfrydol i unrhyw un sy’n dechrau ym maes dylunio digidol i ddatblygu’r sgiliau angenrheidiol i greu profiadau digidol sy’n canolbwyntio ar y defnyddiwr.
Bydd gofyn i ddysgwyr ymgymryd â chymysgedd o unedau gorfodol ac unedau dewisol (byddwn yn gweithio gyda chi i benderfynu pa unedau dewisol sy’n berthnasol i’ch rôl, a’ch busnes).
Mae unedau gorfodol yn cynnwys:
- Dylunio sy’n Canolbwyntio ar y Defnyddiwr
- Ymchwil Defnyddwyr
- Hygyrchedd Digidol
- Dylunio Moesegol yn UCD
Pan fyddwch chi’n cytuno i ymgymryd â phrentisiaeth, efallai y bydd gofyn i chi gwblhau cymwysterau Sgiliau Hanfodol, yn dibynnu ar eich cymwysterau blaenorol, lefel y brentisiaeth rydych chi’n ei chwblhau a’ch anghenion penodol eich hun.
Bydd y cymhwyster hwn yn cael ei gyflwyno’n bennaf drwy sesiynau 1-i-1 gydag aelod o’n tîm cyflwyno, gan ddefnyddio cymysgedd o sesiynau dysgu wyneb yn wyneb a dysgu o bell.
Ar ôl cofrestru, bydd asesydd hefyd yn cael ei neilltuo i ddysgwyr. Drwy gydol y cymhwyster, bydd yr asesydd yn ymweld â’r dysgwr naill ai yn eu gweithle neu o bell (er enghraifft, drwy Microsoft Teams) bob mis, i gefnogi cynnydd, arsylwi a gosod tasgau.
Mae dysgwyr yn cael eu cefnogi a’u hannog drwy gydol eu cymhwyster i gyrraedd eu potensial llawn yn eu diwydiant dewisol. Gall dysgwyr llwyddiannus symud ymlaen i’r Prentisiaeth Dylunio Canolbwyntio ar y Defnyddiwr Lefel 3.
Mae cyfleoedd cyflogaeth yn y dyfodol yn cynnwys:
- Dylunwyr Profiad Defnyddiwr (UX)
- Rheolwyr Cynnyrch
- Datblygwyr Gwe
- Dylunwyr Graffig
- Arbenigwyr Cymorth Cwsmeriaid
- Gweithwyr Proffesiynol Marchnata
- Dadansoddwyr Busnes
I ddechrau Prentisiaeth yng Nghymru, mae angen i chi fod:
- yn 16 oed neu’n hŷn (nid oes terfyn oedran uchaf)
- yn byw yng Nghymru
- ddim mewn addysg amser llawn
- ddim yn cael mynediad at unrhyw gyllid arall gan Lywodraeth Cymru
Gallwch chwilio a gwneud cais am swyddi Prentisiaeth yma
Os ydych chi’n bwriadu ymgymryd â chymhwyster Prentisiaeth fel ffordd o uwchsgilio yn eich rôl bresennol, bydd angen i chi hefyd fod:
- wedi’ch cyflogi am o leiaf 16 awr
- wedi’ch cefnogi gan eich cyflogwr i ymgymryd â’r cymhwyster
- wedi ymrwymo i ymgymryd â chyfartaledd o 4-6 awr o astudio am fis
- gweithio mewn rôl sy’n berthnasol i’r cymhwyster
- wedi’ch cyflogi am o leiaf 51% o’ch oriau contract yng Nghymru
