Ynglŷn â’r cwrs hwn:
Mae’r Brentisiaeth Ymarferwyr Dysgu Digidol yn ymdrin â llawer o agweddau allweddol ar ddysgu gan ddefnyddio technoleg ddigidol. Gyda ffocws ar ddatblygu, cynllunio, hwyluso a gwerthuso gwybodaeth a sgiliau mewn amgylchedd dysgu.
Mae’r Brentisiaeth hon yn archwilio amrywiaeth o wahanol becynnau meddalwedd rhaglenni a thechnoleg newydd er mwyn ymateb i natur newidiol ac amrywiol y diwydiant er mwyn helpu i ddysgu, datblygu a chysylltu â dysgwyr.
Mae’r Brentisiaeth hon yn addas ar gyfer pobl yn y sector addysg sydd â diddordeb mewn dysgu digidol ac sy’n dymuno datblygu eu gwybodaeth a’u sgiliau yn y maes hwn.
Bydd gofyn i ddysgwyr ymgymryd â chymysgedd o unedau gorfodol ac unedau dewisol (byddwn yn gweithio gyda chi i benderfynu pa unedau dewisol sy’n berthnasol i’ch rôl, a’ch busnes).
- Deall a defnyddio hyrwyddiad cynhwysol
- Cynnal safonau ac ansawdd
- Asesu a datblygu gallu digidol
- Yr amgylchedd dysgu a datblygu cyfunol ac ar-lein
- Datblygu a pharatoi adnoddau ar gyfer dysgu digidol
- Rheoli datblygiad personol a phroffesiynol
- Datblygiad mewn dysgu a datblygiad digidol
- Addysgu crefftus a dysgu gweithredol
Pan fyddwch yn cytuno i ymgymryd â Phrentisiaeth, efallai y bydd gofyn i chi gwblhau cymwysterau Sgiliau Hanfodol, yn dibynnu ar eich cymwysterau blaenorol, lefel y Brentisiaeth rydych yn ei chwblhau a’ch anghenion penodol chi eich hun.
Bydd y cymhwyster hwn yn cael ei gyflwyno’n bennaf drwy sesiynau 1-i-1 gydag aelod o’n tîm cyflwyno, gan ddefnyddio cymysgedd o sesiynau dysgu wyneb yn wyneb ac o bell.
Ar ôl cofrestru, dyrennir asesydd i ddysgwyr hefyd. Bydd yr asesydd yn ymweld â’r dysgwr naill ai yn ei weithle neu o bell (er enghraifft, trwy Microsoft Teams) bob mis, i gefnogi cynnydd, arsylwi a gosod tasgau, drwy gydol y cymhwyster.
Caiff dysgwyr eu cefnogi a’u hannog i gyrraedd eu potensial llawn yn eu diwydiant dewisol drwy gydol eu cymhwyster.
Er mwyn dechrau prentisiaeth yng Nghymru, mae angen i chi fod:
- yn 16 oed neu’n hŷn (nid oes terfyn oedran uchaf)
- yn byw yng Nghymru
- ddim mewn addysg llawn amser
- ddim yn derbyn unrhyw gyllid arall gan Lywodraeth Cymru
- Gallwch chwilio a gwneud cais am swyddi gwag Prentisiaethau yma
Os ydych chi’n bwriadu ymgymryd â chymhwyster Prentisiaeth fel ffordd o uwchsgilio yn eich rôl bresennol, bydd angen i chi hefyd:
- fod yn gweithio am o leiaf 16 awr
- gael cefnogaeth eich cyflogwr i ymgymryd â’r cymhwyster
- ymrwymo i ymgymryd â 4-6 awr o astudio bob mis ar gyfartaledd
- gweithio mewn rôl sy’n berthnasol i’r cymhwyster
- cael eich cyflogi am o leiaf 51% o’ch oriau contract yng Nghymru
