Beth yw Prentisiaethau?
Sefydlwyd ACT yng Nghaerdydd ym 1988 ac ers hynny mae wedi dod yn brif ddarparwr hyfforddiant Cymru, gan gefnogi busnesau sy’n dymuno uwchsgilio eu gweithlu.
Hyd yma, rydym wedi gweithio gyda mwy na 14,000 o gyflogwyr, gan helpu 75,000 o ddysgwyr i gyflawni eu nodau gyrfaol.
Rydym yn cynnig dysgu seiliedig ar waith wedi’i ariannu’n llawn mewn popeth o gyfryngau cymdeithasol a sgiliau gwyrdd ar gyfer busnes i weinyddu busnes a dadansoddeg data.
Yn gryno, mae Prentisiaethau yn rhaglenni hyfforddiant seiliedig ar waith sydd wedi’u cynllunio o amgylch anghenion eich busnes, ac sy’n arwain at gymwysterau a gydnabyddir yn genedlaethol i’ch gweithwyr.
Os ydych chi’n dymuno bywiogi eich gweithlu neu ddod â phersbectif cwbl newydd i’ch tîm, gall prentisiaethau ddarparu set newydd o sgiliau i weithwyr ac, yn ei dro, roi hwb i’ch gweithrediadau.
Y manteision i’ch busnes
Rydym i gyd yn gwybod bod Prentisiaethau’n gwneud synnwyr, ond a oeddech chi’n gwybod am y manteision y gallant eu cynnig i’ch busnes?
Pwy rydym yn ei gefnogi?
P’un a ydych chi’n fusnes bach neu ganolig, yn gorfforaeth fawr neu’n hunangyflogedig, os ydych yn gweithredu yng Nghymru, rydym am glywed gennych am eich anghenion hyfforddi ac uwchsgilio.
Gall prentisiaethau seiliedig ar waith gynnig gwahanol gyfleoedd i wahanol gwmnïau, boed hynny’n darparu lefel sylfaenol o hyfforddiant i bob aelod o staff mewn cyrsiau fel Sgiliau Digidol, neu’n sicrhau bod y rhai mewn rolau penodol o fewn eich busnes yn gyfredol ac yn hynod wybodus o ran eu harbenigedd.
Mae cyfle hefyd i ddod â thalent newydd i mewn i’ch busnes drwy brentisiaethau, neu hyd yn oed drwy ein lleoliadau Jobs Growth Wales+. Mae hyn yn helpu cenhedlaeth newydd o weithwyr i ddysgu sgiliau eich diwydiant, gan ennill y wybodaeth sydd ei hangen ar gyfer menter sydd o fudd i’r ddwy ochr – byddwch chi’n cael gweithiwr angerddol a brwdfrydig, a bydd y dysgwr yn cael y cymorth sydd ei angen i lwyddo yn ei rôl ddelfrydol.
Nid yw prentisiaethau wedi’u cyfyngu i sectorau penodol na lefelau profiad penodol; mae cyrsiau wedi’u cynllunio i gael y gorau gan ddysgwyr beth bynnag fo’u diwydiant neu’u galluoedd.
Peidiwch â cholli allan ar hyfforddiant wedi’i ariannu’n llawn
Atebion cyllido i gyflogwyr
Yn ACT, mae gennym arbenigedd helaeth mewn ymchwilio i atebion cyllido i fusnesau a chael mynediad atynt, gan gynnwys cymwysterau a phrentisiaethau a gydnabyddir yn genedlaethol. Mae llawer o’n cleientiaid yn elwa o atebion sy’n denu cymorth cyllido o 100%. Fel rhan o grŵp Coleg Caerdydd a’r Fro, mae gennym fynediad at dros £90 miliwn o gyllid. Gyda’n gilydd, rydym yn cynnig pecynnau hyfforddi unigryw sydd wedi’u cynllunio i roi sgiliau hanfodol sy’n benodol i’r sector i gyflogwyr Cymru a’u gweithwyr.
Mae busnesau yng Nghymru o bob maint ac ar draws pob sector yn gymwys i gael cyllid prentisiaethau.
Bydd ACT yn darparu cymorth gyda’r hyfforddiant sy’n rhan o’r rhaglen brentisiaeth. Mae’r prentisiaethau wedi’u hariannu’n llawn gan Lywodraeth Cymru, ac rydym yma i sicrhau eich bod yn manteisio ar y cyfle cyllido hwn i dyfu a datblygu eich busnes.
Mae pob prentis yn cael cyfarfodydd misol gyda’u Haseswyr i gadw golwg ar eu cynnydd. Mae’r cymwysterau wedi’u cynllunio i fod yn hyblyg er mwyn lleihau unrhyw darfu ar eich busnes.
Fel cyflogwr prentis, rydych yn gyfrifol am dalu cyflog y prentis a chost unrhyw hyfforddiant ychwanegol sydd ei angen arnynt i gyflawni eu rôl ddyddiol.
Nid yw cyflogwyr yn talu cyfraniadau Yswiriant Gwladol Dosbarth 1 ar gyfer prentisiaid dan 25 oed hyd at y Trothwy Uwchradd Uchaf (£967 yr wythnos), ac maent wedi’u heithrio rhag y cynnydd mewn Yswiriant Gwladol cyn belled â bod y prentis ar fframwaith neu safon brentisiaeth gymeradwy yn y DU, ac yn gweithio tuag at gymhwyster cydnabyddedig, sef yr hyn y mae holl Fframweithiau Prentisiaeth Cymru yn ei wneud.
Er enghraifft, gallai busnes bach neu ganolig yng Nghymru arbed 13.8% o gyflog blynyddol gros person ifanc drwy fuddsoddi mewn prentisiaethau.
Deall Ardoll Brentisiaethau’r DU a Gwneud y Gorau ohoni yng Nghymru
Mae’r Ardoll Brentisiaethau yn dreth ledled y DU a gyflwynwyd gan Lywodraeth y DU yn 2017 i annog busnesau i fuddsoddi mewn prentisiaethau. Ei diben yw mynd i’r afael â’r bwlch sgiliau, gan roi cyfle i gyflogwyr a gweithwyr ddatblygu a thyfu drwy gyrsiau hyfforddiant seiliedig ar waith a datblygiad proffesiynol.
Mae’r Ardoll Brentisiaethau yn berthnasol i bob cyflogwr yn y DU, gan gynnwys yng Nghymru, sydd â bil cyflog blynyddol o £3 miliwn neu fwy, ac fe’i codir ar gyfradd o 0.5% o’ch bil cyflog blynyddol. Fodd bynnag, nid yw cyflogwyr yng Nghymru yn gallu cael mynediad uniongyrchol at y gronfa gyllido i gefnogi eu rhaglenni prentisiaeth a hyfforddiant. Dyma lle gall ACT eich cefnogi; fel darparwr hyfforddiant cymeradwy gan Lywodraeth Cymru, gallwn weithio gyda chi i dynnu’r cyllid mwyaf priodol i lawr ar gyfer eich anghenion sgiliau.
P’un a ydych yn sefydliad sy’n talu’r ardoll ai peidio, drwy weithio gydag ACT, gall cyflogwyr:
- Deall anghenion sgiliau a gwneud y gorau o gyllidebau. Bydd ACT yn gweithio gyda chi i gynnal archwiliad o anghenion sgiliau a hyfforddiant yn eich busnes, ac yn eich helpu i wneud y gorau o’r cyllid sydd ar gael
- Uwchsgilio staff presennol. Mae cynnig cyfleoedd prentisiaeth i weithwyr presennol yn sicrhau datblygiad parhaus, gan wella cynhyrchiant a boddhad swydd.
- Denu talent newydd. Mae prentisiaethau’n ffordd wych o ddod â thalent ffres i mewn i’ch busnes, wedi’u teilwra’n aml i anghenion penodol eich diwydiant.
- Dod o hyd i brentisiaethau sy’n diwallu anghenion busnes. Drwy ddewis cyrsiau sy’n cyd-fynd ag anghenion eich diwydiant, gall cyflogwyr sicrhau bod yr hyfforddiant o fudd uniongyrchol i weithrediadau’r busnes.
- Cadw’n gyfredol â chyfleoedd cyllido newydd. Gallwn gynnig arweiniad ar gyllid sydd ar gael ac opsiynau’r Ardoll, gan helpu busnesau i wneud penderfyniadau gwybodus am fuddsoddiadau hyfforddiant.
I gael rhagor o wybodaeth, ewch i dudalen Ardoll Brentisiaethau Llywodraeth y DU
- Mae Prentisiaethau ar gyfer pawb! O bobl sy’n gadael yr ysgol a graddedigion prifysgol i unigolion sydd eisiau datblygu eu gyrfaoedd ymhellach neu newid cyfeiriad gyrfa yn llwyr
- Gallwch gyflogi rhywun newydd fel prentis, neu gael mynediad at gyllid a chymwysterau prentisiaeth i uwchsgilio gweithwyr presennol
- Mae prentisiaid yn weithwyr o fewn cwmni ac yn cael eu talu o leiaf yr Isafswm Cyflog Prentisiaeth Cenedlaethol
- Mae prentisiaethau ar gael ar bedair lefel wahanol:
Prentisiaeth Sylfaen (Lefel 2)
Prentisiaeth (Lefel 3)
Prentisiaeth Uwch (Lefel 4 a Lefel 5)
Prentisiaeth Gradd (Lefel 6)
- Ar gyfartaledd, mae prentisiaeth yn cymryd 12 i 18 mis i’w chwblhau
- Fel cyflogwr, gallwch gael mynediad at gyllid Llywodraeth Cymru i helpu i dalu am hyfforddiant prentisiaeth.
- Mae prentisiaethau’n rhan bwysig o Warant i Bobl Ifanc Llywodraeth Cymru ar gyfer pobl ifanc 16–24 oed.
- Eich helpu i ddewis y llwybr a’r lefel Brentisiaeth gywir ar gyfer eich busnes
- Eich helpu i recriwtio Prentis neu gefnogi eich staff presennol i Brentisiaethau
- Cytuno ar gynllun hyfforddi gyda’ch Prentis
- Rheoli’r hyfforddiant a’r gwerthuso, gan sicrhau bod safonau ansawdd cenedlaethol yn cael eu bodloni
- Dylunio a darparu hyfforddiant pwrpasol ac integredig
y cant
o gyflogwyr
y cant
Oes gennych ddiddordeb mewn darganfod mwy? Cysylltwch â ni!
Os ydych chi’n barod i chwilio am eich Prentis nesaf, os oes gennych aelod o staff sy’n dymuno uwchsgilio, neu os hoffech gael gwybod mwy am ein rhaglen Brentisiaeth, cysylltwch â’n tîm heddiw.