Dadansoddwr Data Lefel 3 - 4103 - ACT Training (Cymraeg)

Ynglŷn â’r cwrs hwn

Wrth i drawsnewidiad digidol ail-lunio busnesau yng Nghymru, mae sgiliau data a gwybodaeth yn dod yn hanfodol ar draws ystod eang o rolau. Mae prentisiaeth Dadansoddwr Data Lefel 3 yn cynnig dull ymarferol o feithrin y sgiliau hyn drwy ddysgu yn y gweithle. Wedi’u cynllunio i wella arbenigedd unigol a galluoedd sefydliadol fel ei gilydd, mae’r rhaglenni hyn yn annog busnesau i wneud penderfyniadau doethach sy’n seiliedig ar ddata.

I bwy mae’r brentisiaeth?

Yn ddelfrydol ar gyfer prentisiaid sy’n datblygu eu gyrfa ym maes dadansoddi data.
Yn berffaith ar gyfer gweithwyr sydd am uwchsgilio er mwyn ymgymryd â mwy o gyfrifoldebau sy’n ymwneud â data.
Cymhwyster achrededig i weithwyr presennol gadarnhau eu profiad diwydiannol cyfredol.

Cyflymu Twf eich Gyrfa: Bydd y brentisiaeth Dadansoddwr Data Lefel 3 yn rhoi’r sgiliau technoleg gwybodaeth hanfodol a’r profiad ymarferol sydd eu hangen i roi hwb sylweddol i yrfa sy’n datblygu ar draws ystod eang o sectorau diwydiannol.

Ardystiad a Gydnabyddir gan y Diwydiant: Ar ôl cwblhau’r rhaglen hon yn llwyddiannus, bydd prentisiaid yn ennill ardystiad a gydnabyddir gan y diwydiant, gan roi mantais gystadleuol iddynt yn y farchnad swyddi. Mae cyflogwyr yn gwerthfawrogi’r sgiliau a’r arbenigedd a enillir drwy’r brentisiaeth hon, gan agor drysau i gyfleoedd cyffrous.

Dysgu Ymarferol ac yn y Byd Go Iawn: Mae ein rhaglen yn pwysleisio dysgu ymarferol sy’n berthnasol i’r byd go iawn. Bydd prentisiaid yn ymarfer sgiliau yn y gweithle, gan gydweithio â chydweithwyr profiadol a derbyn cefnogaeth gan weithwyr proffesiynol ALS a fydd yn eu harwain drwy bob cam o’r broses.

Cwricwlwm wedi’i Deilwra: Mae ein cwricwlwm cynhwysfawr wedi’i gynllunio i ddiwallu anghenion technoleg gwybodaeth sefydliadau ar draws economi Cymru a thu hwnt. Bydd prentisiaid yn ymdrin â phynciau hanfodol fel Rheoli Gwybodaeth Ddigidol, Meddalwedd Taenlenni, Dadansoddiad Ystadegol a Moeseg.

Cynghorwyr Profiadol a Gwybodus: Drwy gydol y brentisiaeth, byddwn yn darparu mynediad at rwydwaith o gynghorwyr profiadol a fydd yn cynnig arweiniad, hyfforddiant, cefnogaeth ac adborth.

Mae’r brentisiaeth hon yn cynnwys cyfuniad o unedau gorfodol ac unedau dewisol. Byddwn yn gweithio gyda chi i benderfynu pa fodiwlau dewisol sydd fwyaf addas i chi ac i’ch rôl swydd.

Mae’r unedau’n cynnwys:

Dadansoddi Data
Rheoli Gwybodaeth Ddigidol
Delweddu Data
Modelu Data
Diogelwch Digidol i Fusnesau
Dadansoddeg Gymdeithasol
Dadansoddiad Ystadegol
Codio

A llawer mwy…

Hyd nodweddiadol o 18 mis.
Sesiwn sefydlu ar gyfer prentisiaid a’u rheolwyr llinell.
10 gweithdy sgiliau a gwybodaeth ar-lein, pob un yn para diwrnod cyfan.
Sesiynau hyfforddiant tiwtor ac cymorth asesu un-i-un.
Cefnogaeth gan adnoddau hunan-astudio ar-lein.
4 diwrnod asesu sgiliau hanfodol (2 ddiwrnod paratoi a 2 ddiwrnod tasg fyw).
Profion cadarnhau sgiliau hanfodol sy’n para dwy awr.

Nid yw gweithgareddau Sgiliau Hanfodol yn berthnasol i brentisiaid sydd ag eithriadau.

Dadansoddwr Data Lefel 3 Agored Cymru
Sgiliau Hanfodol Cymru Lefel 1 mewn Cyfathrebu
Sgiliau Hanfodol Cymru Lefel 1 mewn Cymhwyso Rhifau

Efallai na fydd y sgiliau hanfodol yn berthnasol os gall prentisiaid ddangos eu bod wedi’u heithrio

Mae National Grid wrth eu bodd yn partneru ag ALS Training i gryfhau ein galluoedd data ar draws y busnes. Mae’r fenter hon yn rhan allweddol o’n Hacademi Data yng Nghymru, gan gynnig cyfle i’n pobl ennill cymwysterau data sy’n cael eu cydnabod yn genedlaethol, gan gynnwys cymhwyster Dadansoddwr Data Lefel 3.

National Grid