Ddim yn siŵr pa lwybr gyrfa i’w ddewis?
Mae ein llinyn Ymgysylltu Twf Swyddi Cymru+ (JGW+) yn fan cychwyn delfrydol os nad ydych yn siŵr beth rydych chi am ei wneud neu os oes angen rhywfaint o gefnogaeth arnoch i ddeall beth yw eich opsiynau. Bydd ein Hyfforddwyr Dysgu yn eich cefnogi ac yn datblygu cynllun dysgu unigol yn benodol ar eich cyfer chi a’ch anghenion.
Bydd eich cynllun dysgu yn cynnwys y canlynol:
- Cyfleoedd dysgu mewn canolfan
- Treialon gwaith byr gydag amrywiaeth o gyflogwyr
- Teithiau a phrofiadau
- Prosiectau cymunedol
- Gwaith gwirfoddol
- Gweithgareddau sy’n canolbwyntio ar lesiant
- Siaradwyr gwadd
Ar y llinyn hwn, byddwch yn:
- Ennill lwfans hyfforddi o hyd at £42 yr wythnos
- Derbyn lwfans pryd o hyd at £11.70 yr wythnos
- Derbyn cymorth gyda chostau teithio
Nid oes unrhyw oriau mynychu gofynnol yr wythnos. Fodd bynnag, bydd swm y lwfans hyfforddi a gewch yn dibynnu ar nifer yr oriau rydych yn cymryd rhan.
Tra byddwch ar raglen Twf Swyddi Cymru+ byddwch hefyd yn cronni gwyliau blynyddol bob mis heb iddo effeithio ar eich lwfans hyfforddi.
Gyda’r llinyn Ymgysylltu, ein nod yw eich cyflwyno i ystod eang o weithgareddau cyfoethogi difyr i’ch helpu i feithrin eich hyder a’ch helpu i ddarganfod beth rydych chi’n ei hoffi a beth rydych chi’n dda ynddo.
Ar ôl i chi gwblhau’r llinyn hwn byddwch yn symud ymlaen i’r llinyn Dyrchafu.
Cyfoethogi yn ACT
O ddringo dan do i ffermio, mae ein gweithgareddau cyfoethogi wedi'u cynllunio i wella eich hyder a'ch amlygu i brofiadau newydd
Sut mae dod yn ddysgwr llinyn Ymgysylltu TSC+?
Os ydych chi’n barod i wneud cais neu eisiau dysgu mwy am ein rhaglen TSC+, cysylltwch â’n tîm heddiw.