Ynglŷn â’r cwrs hwn
Nod ein cwrs Cymorth Cyntaf Iechyd Meddwl E-Ieuenctid yw gwella ymwybyddiaeth o broblemau iechyd meddwl ymhlith plant a phobl ifanc ac mae’n addas i unrhyw un sydd â diddordeb mewn neu sydd eisoes yn gweithio gyda phobl ifanc.
Nod y cwrs yw lleihau stigma, hyrwyddo ymddygiad ceisio cymorth a darparu ymyrraeth gychwynnol cyn darparu cymorth proffesiynol. Er bod y cwrs yn addas i bawb sy’n gweithio ac yn byw gyda phobl ifanc, gellir ei dargedu at y rhai sy’n gweithio gyda phobl ifanc agored i niwed, gan gynnwys y rhai sy’n gadael gofal, troseddwyr ifanc, ffoaduriaid a cheiswyr lloches. Mae YMHFA (Cymru) yn canolbwyntio ar rai o’r materion sy’n gysylltiedig yn benodol â phobl ifanc fel camddefnyddio sylweddau, gan gynnwys camddefnyddio alcohol, hunan-niweidio ac anhwylderau bwyta.
Yn ystod y cwrs, byddwch yn ymdrin â’r pynciau canlynol:
Datblygu problemau iechyd meddwl
• Iselder
• Problemau pryder
• Anhwylderau bwyta
• Seicosis
• Problemau defnyddio sylweddau
Argyfyngau iechyd meddwl
• Meddyliau ac ymddygiadau hunanladdol
• Hunan-niweidio nad yw’n hunanladdol
• Panig
• Digwyddiadau trawmatig
• Cyflyrau seicotig difrifol
• Effeithiau difrifol o ddefnyddio alcohol neu gyffuriau eraill
• Ymddygiadau ymosodol
Bydd y cwrs hwn yn cael ei gyflwyno drwy dair sesiwn o bell dros gyfnod o dair wythnos, gyda gofyn am astudiaeth annibynnol rhwng y sesiynau. Rhaid i gyfranogwyr hefyd gael mynediad at liniadur gyda chamera a chyfleuster siaradwr sy’n gweithio.
